September 19, 2021, Sunday
२०७८ आश्विन ३

डा. कोइरालाको आईसीयूमा उपचार हुदैँ

149

काठमाडौँ- कोरोना भाइरसबाट संक्रमित नेपाली काँग्रेसका महामन्त्री डा.शशाङ्क कोइरालालाई चावहिलस्थित ओम अस्पतालमा आइसीयूमा राखेर उपचार थालिएको छ ।

कोभिड­१९ को सङ्क्रमण देखिएपछि घरमै होमआइसोलेसनमा रहेका उनलाई मङ्गलबार साँझ ज्वरो आएपछि अस्पतालको सघन उपचार कक्ष (आईसीयू)मा राखेर उपचार भइरहेको अस्पतालका प्रबन्ध सञ्चालक बाबुकाजी कार्कीले जानकारी दिए ।

‘अस्पताल आएदेखि नै हामीले आईसीयूमा राखेर उपचार गरिरहेका छौँ’, उनले भने, ‘अहिले उहाँको ज्वरो घटेर स्वास्थ्यमा सुधार भइरहेको छ ।’ उनका अनुसार महामन्त्री डा.कोइरालालाई निमोनिया भएको छ ।

महामन्त्री कोइरालाको उपचारमा अस्पतालमा निर्देशक डा.विश्वनाथ कोइरालाको नेतृत्वमा डा.सुवोधसागर ढकाल र डा.प्रमेशसुन्दर श्रेष्ठलगायतको टिम रहेको छ ।