September 19, 2021, Sunday
२०७८ आश्विन ३

प्याजमा कालोबजारी गर्ने तिन जना पक्राउ

139

काठमाडौँ – लुकाएर महँगो मूल्यमा प्याज बिक्री गरेको आरोपमा तीन जना व्यापारीलाई सिराहा प्रहरीले पक्राउ गर्दै ७ हजार किलोभन्दा बढी प्याज नियन्त्रणमा लिएको छ । भारतले निर्यात रोके लगत्तै प्याजमा कालोबजारी सुरु भएको छ ।

गोलबजार, मिर्चैया र लहान नगरपालिकाका तीन वटा व्यापारीले आफ्नो गोदाममा राखेर कालोबजारी गरिरहेको पाइएपछि उनीहरुलाई पक्राउ गर्दै प्याज नियन्त्रणमा लिएको सिराहा प्रहरीले जनाएको छ ।

गोलबजार नगरपालिका ४ मा जय लक्ष्मी सब्जी भण्डारका सञ्चालक मिर्चैया नगरपालिका ५ बस्ने ४४ वर्षीय उमेश प्रसाद साह, मिर्चेया नगरपालिका ५ मा जयमाता दी सब्जी भण्डारका सञ्चालक बिनोदकुमार साह र लहान नगरपालिका-३ का गंगा ट्रेडर्सका सञ्चालक रामनारायण नायकलाई प्याज कालोबजारी गरेको आरोपमा पक्राउ गरिएको सिरहाका प्रहरी प्रबक्ता बिनोद घिमिरेले जनाए ।

उनीहरुले लुकाएर राखेको ७ हजार ४ सय ४० किलो प्याज बरामद गरेको उनले बताए ।