November 29, 2020, Sunday
२०७७ मंसिर १४

अमेरिकामा टिकटकलाई सञ्चालनको निरन्तरता

135

एजेन्सी- अमेरिकाले चिनियाँ स्वामित्वको एप्लिकेशन टिकटकलाई सञ्चालनको निरन्तरता दिएको छ ।

अमेरिकी नागरिकको डाटा सुरक्षित भएपछि टिकटक सञ्चालनमा निरन्तरता दिएको राष्ट्रपति डोनाल्ड ट्रम्पले बताएका छन् ।

अमेरिकामा टिकटकको सञ्चालन अधिकारका सम्बन्धमा चिनियाँ कम्पनी बाइटडान्ससँग अमेरिकी कम्पनीहरु ओरेकल र वालमार्टले  सम्झौता गरेका थिए । उक्त सम्झौताले नागरिकको डाटा सुरक्षित भएको ठानेर आफूले सहमति प्रदान गरेको ट्रम्पले बताएका छन्।

ट्रम्पले राष्ट्रिय सुरक्षामा खतरा पैदा भएको भन्दै टिकटकमाथि प्रतिबन्ध लगाएका थिए। टिकटकले प्रयोगकर्ताको सूचना चीन सरकारलाई दिएको ट्रम्प प्रशासनको आरोप थियो । तर, टिकटकले सो आरोप अस्वीकार गर्दै आएको छ।

शनिबार बाइटडान्स र ओरेकल तथा वालमार्टबीच भएको सम्झौताले झण्डै १०० मिलियन अमेरिकी प्रयोगकर्ताको जानकारी सुरक्षित रहने निश्चित भएको ट्रम्पले बताएको बीबीसीले जनाएको छ।

Recent Update