January 20, 2021, Wednesday
२०७७ माघ ७

राेल्पामा फेला परेका दुई अपरिचित शवकाे पहिचान ,मृतक दुबै चाेरी कार्यमा संलग्न

7.6K

बिन्दु कुँवर /राेल्पा

सुनिल स्मृति गाउँपालिका वडा  नम्बर ४ जिया खोला किनारमा १२ गते बेलुका फेला परेका दुई अपरिचित पुरुषका शवकाे पहिचान भएको छ । प्रहरीले स्थानीयबासी र अन्य उपायहरू प्रयोग गरि ती शवकाे पहिचान गरेको हाे।

पहिचान भएका शवहरु रुण्डिगढी गाउँपालिका ३ राेल्पाका २८ बर्षका वीर बहादुर हमाल र बंगलाचुली गाउँपालिका २ दाङका ३५ कृष्ण केसी रहेका छन ।
माछा मार्न गएका स्थानीय बालबालिकाले खोल्सामा नजिकै शव देखेपछि प्रहरीलाई खबर गरेका थिए।शवहरु गलेकाे अवस्थामा भएकोले पहिचान गर्न झन कठिन भएको थियोे ।

शुक्रबार साँझ खबर आए पनि प्रहरीले शनिबारमात्रै  मुचुल्का उठाएको थियो । आफन्त आएर शव चिने पछि उनीहरुको पहिचान भएको हाे ।दुबै व्यक्ति गाउँ गाउँमा खसी बाेकाहरु चाेर्ने कार्यमा संलग्न हुदै आएको बुझिएको छ ।

नीजहरुकाे हत्या भएको हाे कि आफै भिर बाट लडेर निधन भएको हाे अहिलेसम्म खुल्न सकेको छैन । ती दुबै २०७७ साउन १३ गते जिल्ला कारागार राेल्पा बाट चाेरि मुद्दामा कैद भुक्तान गरि छुटेका थिए । जेल बाट छुटेपछि पनि ठाउँ ठाउँमा चाेरीका घटनाहरु घटाउदै आएको पाइएको छ ।