December 1, 2020, Tuesday
२०७७ मंसिर १६

लकडाउनकाे कारण पानीको पनि समस्या,बादी समुदायमा पानी बितरण

2.1K

बादी बस्तीमा पानी वितरण गरिदै

पश्चिम रुकुमको एक बादी समुदायको बस्तीमा लकडाउनकाे कारणले पिउने पानीको समेत अभाव देखिएको छ । जिल्लाको चौरजहारी नगरपालिका वडा नं. १ लामिछाने गाउँमा रहेको बादी समुदायमा पानीको अभाव देखिएपछी हो ।

बादी समुदायमा पानीको अभाव भएको खबरपछि बि. एण्ड बि. इन्टरप्राईजेज चौरजहारिले मंगलबार बादी समुदायका हरेक घरमा पानी बितरण गरेको छ ।
बस्तिका १८ घर र आसपासका अन्य घरमा केहि दिन पानी पुग्नेगरी पानी पुर्याईएको छ ।

बि. एण्ड बि. इन्टरप्राईजेजका प्रमुख बालिका भण्डारी बुढाका अनुसार, पिउने पानीको समेत अप्ठ्यारो परिरहेको सुनेपछि ट्यांकरमा मुहानबाट पानी ल्याएर बादी समुदायमा बितरण गरिएको हो । चौरजहारी उद्योग बाणिज्य संग रुकुम पश्चिमको सदस्य समेत रहेकि भण्डारीले यो सानो सहयोग गरेको भन्दै दलित, बिपन्न र अप्ठ्यारोमा परेकाहरुलाई सक्दो सहयोग गर्न तयार रहेको बताइन ।

स्थानीय राजकुमार बादिले यसरी घरमै पानी ल्याईदिएकोमा बि. एण्ड बि. इन्टरप्राईजेजलाई धन्यवाद दिदै भने- “यस्तो अप्ठ्यारो बेला हाम्रो अभाव बुझिदिनुभयो, केहि दिन पिउने र घरायसी काममा यो पानीले सघाउ पुग्नेछ ।”

दैनिक काम गरेर परिवारको दैनिकि गुजार्दै आएका बादी समुदायमा कोरोना संक्रमणको कारण थपिएको लकडाउनले दैनिकी कठिन बन्दै गएको छ । यस्तो अप्ठ्यारो बेला बिपन्न परिवारलाई घरमै पानी ल्याईदिनु समाजसेवाको नमुना कार्य भएको स्थानीय जनप्रतिनिधि प्रेमलाल आचार्यले बताउछन ।पिउने पानीको समेत अभाव हुन थालेपछि यहाका बासिन्दा नजिकैको खोला र भेरी नदिको पानी पिउन बाध्य छन ।

Recent Update