July 2, 2022, Saturday
२०७९ असार १८

कोरोना भाइरसका कारण अमेरिकामा मृत्यु हुनेको संख्या पचास हजार पुग्यो

509

जोन्स हप्किन्स विश्वविद्यालयको तथ्याङ्क अनुसार अमेरिकामा कोरोनाभाइरसका कारण मृत्यु हुनेको संख्या ५० हजार नाघेको छ । अमेरिकामा वितेकाे २४ घण्टामा मात्रै ३ हजार भन्दा बढी मानिसको ज्यान गएको छ । अहिले अमेरिकामा ८,७०,००० भन्दा बढी संक्रमित भएको पुष्टि भएको छ । तर संक्रमणको तथ्याङ्क विश्लेषण गर्दा युरोपेली राष्ट्रको दाँजोमा अमेरिकामा अझै पनि मृत्युदर कम रहेकोमा ह्वाइट हाउसको कार्यदलले जोड दिएको छ।

जोर्जा, अलास्का र ओक्लहोमामा केश काट्ने सलूनसहित केही व्यवसाय खुल्न थालेका छन्।अहिलेसम्मको सङ्ख्या हेर्दा अमेरिकामा कोरोनाभाइरसका कारण सङ्क्रमित हुने र मृत्यु हुनेको सङ्ख्या विश्वमै बढी छ ।

अमेरिकाको जनसङ्ख्या ३३ करोड छ जुन कोरोनाभाइरसबाट अतिप्रभावित स्पेन र इटलीको भन्दा धेरै हो । ह्वाइट हाउसको कोभिड(१९ कार्यदलका विज्ञ डेबोरा बिर्क्सले अमेरिकामा “पूरै विश्वमा भएकामध्ये कम मृत्युदर” रहेको बताइन् । प्रतिव्यक्तिको आधारमा हेर्दा अहिले अमेरिकामा कोभिड(१९ का कारण मृत्युदर स्पेन, इटली, फ्रान्स, बेल्जम र यूकेको भन्दा कम भएको बिबिसिले जनाएको छ ।