October 26, 2020, Monday
२०७७ कार्तिक १०

बेपत्ताको खोजीको लागि रुकुममा गोताखोर टाेली पुग्यो

984

फाइल फाेटाे

शनिबार बेलुकी रुकुम पश्चिमको चौरजहारी नगरपालिका–८ सोतीमा युवतीलाई लिन गएको भन्ने बिषयमा भएकाे घटनामा परी बेपत्ता रहेका तीन जनाको खोजी गर्न गोताखोरकाे टाेली पुगेकाे छ । जिल्ला प्रहरी कार्यालय रुकुम पश्चिमले केन्द्रमा गोताखोर मागकाे लागि पत्राचार गरेको थियो ।साेहि अनुसार सशस्त्र प्रहरी बल शमशेरगञ्जलबाट तालिम प्राप्त गाेताखाेर टाेली रमेश थापाको नेतृत्वमा जाजरकोट र रुकुमको विचमा पर्ने भरि नदिमा पुगेको छ ।टाेलीले बुधबार बिहान बाट बेपत्ताकाे खाेजि कार्य सुरु गरेको जिल्ला प्रहरी कार्यालय रुकुमका प्रमुख ठग बहादुर केसीले बताए ।

प्रहरीका अनुसार, जाजरकोटको भेरी नगरपालिका वडा नं. ११ का १८ बर्षीय लोकेन्द्र सुनार, १७ वर्षीय गोविन्द शाही र नगरपालिका ४ का १८ बर्षिय सञ्जु बिक अहिले सम्म बेपत्ता रहेका छन् । जाजरकोटको भेरी नगरपालिका वडा नं ४ का नवराज बिकको प्रेमिका भगाउन गएको बेला रुकुम पश्चिमको चौरजहारी नगरपालिका वडा नंं ८ सोतीमा स्थानीयसँग कुटपिट भएको थयो । ३ जनाको शव भेरि नदिमै भेटिएको थियो ।

रुकुम पश्चिमका प्रहरी प्रमुख डिएसपी केसीले बेपत्ता युवाहरुको उद्धार र खोजी कार्यका लागि कर्णाली प्रदेशवाट ३० जना थप जनशक्ति आएको पनि जानकारी दिए । घटना अनुसन्धानको लागि लागि संघीय प्रहरी इकाईबाट एकजना प्रहरी निरीक्षकको कमाण्डमा दुईजना सहयोगी आएको समेत केसीले बताए ।

उक्त घटनामा संलग्न भएको आशंकामा प्रहरीले रुकुम पश्चिमको चौरजहारी नगरपालिका वडा नं. ८ का वडाध्यक्ष डम्मरबहादुर मल्ल सहित १२ जनालाई प्रहरीले नियन्त्रणमा लिएको छ ।मंगलबार पिडितपक्षले जिल्ला प्रहरी जाजरकोटमा २० जनाको नाममा किटानी जाहेरी समेत दिएका छन ।

Recent Update