July 31, 2021, Saturday
२०७८ श्रावण १६

आफुलाई प्रयोग गरेर वडा अध्यक्ष लाई फसाउन खोजियो

159

सल्यानकाे त्रिवेणीको वडा कार्यालयमा यौनजन्य क्रियाकलापमा वडा अध्यक्ष संलग्न रहेको भन्ने घटनामा आफुलाइ प्रयोग गरेर वडा अध्यक्ष लाई फसाउन खोजिएको बताएकी छन । आरोपित महिलाले आइतबार आफ्नै घरमा विष सेवन गरेपछि घटना फरक देखिएको हो । बुधबार राती वडा कार्यालयमा वडा अध्यक्ष पर स्त्री सँग भेटिएको भनेर स्थानीयहरुले दुवै जनालाई कारवाहीको माग गर्दै नाराबाजी पनि गरेका छन् । स्थानीयहरुको जाहेरी पछि उनीहरुको मुद्दाको सन्दर्भमा हाल अनुसन्धान भइरहेको बताइएको छ । वडा अध्यक्ष छविलाल शर्मा सँग वडा कार्यालयमा भेटिएको आरोप लागेकी रमा रावतले भने आफुले गल्ती नगरेको र स्थानीयहरुले वडा अध्यक्ष र आफुलाई फसाउनको लागि यति गरिएको भन्दै मिडीयामा आएकी हुन।

उनले वडा अध्यक्ष सँग सहयोग माग्नको लागि गएको र उनी सँग कुरा गरिरहेको बेलामा एक्कासी आएर ढुंगा मुढा गरेपछि ज्यान जोगाउनको लागि कोठा भित्र पसेको र त्यही अवस्थामा स्थानीयहरुले बाहिरबाट थुनेको बताएकी छिन् । फोन गरेर केही व्यक्तिहरुले तनाव दिएपछि आफु सहयोग माग्न वडा अध्यक्ष सँग पुगेको उनको भनाई छ ।मिडीया सँग बोल्दै आरोपित रावतले आफुलाई अहिले पनि वडा अध्यक्षलाई फसाउनुपर्छ, तिमीलाई केही हुँदैन भनेर दवाव दिइरहेको बताएकी छिन् । आफन्त र गाउँलेहरुले घर घेर्ने, कुटपिट गर्ने लगायतका शारिरीक र मानसिक तनाव दिने गरेपछि आफु विष पिउन बाध्य भएको रावतले बताएकी छिन् । स्थानीयहरुले उनीहरु सार्वजनिक स्थानमा यौनजन्य क्रियाकलापमा संलग्न भएको हुंदा कारवाही हुनुपर्ने भनि माग गर्दै आएका छन् । आरोपीहरु दुवै जनाले आफहरु निर्दोष रहेको र व्यक्तिगत पूर्वाग्रहका कारण आफुहरु माथि षडयन्त्र गरिएको बताएका छन् । यस सम्वन्धमा अनुसन्धान भइरहेको साथै आरोपिहरुको बयान लिने काम भइरहेको जिल्ला प्रहरी कार्यालय सल्यानले जनाएको छ ।