November 28, 2020, Saturday
२०७७ मंसिर १४

सुशान्त सिंह अभिनित ‘दिल बेचारा’ को ट्रेलरले तोड्यो

561

यतिबेला स्वर्गीय सुशान्त सिंह राजपूत अभिनित अन्तिम फिल्म ‘दिल बेचारा’ को ट्रेलरले उनका फ्यानहरुलाई भावूक बनाएको छ ।
मुकेश चाब्राले बनाएको यस फिल्ममा सन्जना सिघीं सुशान्तको अपोजिटमा छिन् । यो फिल्म हलिउड रोमान्टिक ड्रामा ‘द फल्ट इन आवर स्टार्स’ को आधिकारीक रिमेक हो । फिल्मको कथाअनुसार क्रमश ओस्टियोसरकोमा र थाइराइड क्यान्सरसँग जुधिरहेका युवा– युवती आफ्नो पीडाका बाबजुद एकअर्कासँग प्रेममा पर्छन् ।
यस फिल्मको ट्रेलर रिलिज भएको १६ घण्टाभित्रै युट्युबमा २ करोड १० लाखपटक हेरिएको थियो । अहिले भ्युज बढेर ५ करोड २५ लाख नाघिसकेको छ । त्यस्तै, टे«लरले युट्युबमा ८८ लाख लाइक पाएको छ । युट्युबमा यति धेरै लाइक विश्वका कुनै पनि फिल्मको ट्रेलरले पाएका छैनन् । ५० लाखभन्दा धेरै लाइक पाउने ‘दिल वेचारा’ पहिलो ट्रेलर हो ।

दोस्रो स्थानमा झन्डै ३० महिनाअघि रिलिज भएको ‘एभेन्जर्स – इन्फिनिटी वार’ को टे«लर छ, यसले ३६ लाख लाइक पाएको छ । यस ट्रेलरलाई २३ करोड ८८ लाखभन्दा धेरैपटक हेरिएको छ । त्यस्तै, तेस्रो स्थानमा मार्बल इन्टरटेनमेन्टकै एभेन्जर्स शृंखलाको अर्को फिल्म ‘एभेन्जर्स–इन्डगेम’ को ट्रेलर छ, यसलाई १० करोडभन्दा धेरैपटक हेरिएको छ र ३२ लाखभन्दा धेरै लाइक पाएको छ ।

सुशान्तले केही समयअघि मुम्बईस्थित आफ्नै अपार्टमेन्टमा आत्महत्या गरेका थिए । दिल बेचारा उनी अभिनित अन्तिम फिल्म हो । कोरोना भाइरस महामारीका कारण सिनेमा हलहरु बन्द भएको अवस्थामा यो फिल्म २४ जुलाईमा डिजिटल प्लेमफर्म डिज्नी हटस्टारमार्फत सार्वजनिक हुँदैछ ।

Recent Update