October 27, 2020, Tuesday
२०७७ कार्तिक १२

भारतीय मिडियाको पित पत्रकारिता विरुद्ध कूटनीतिक नाेट

204

काठमाण्डौँ – पछिल्ला दिनहरुमा प्रधानमन्त्री केपी शर्मा ओलीसहित नेपालबारे कपोकल्पित कुरा गर्दै हिडेका भारतीय सञ्चारमाध्यमहरुलाई नेपालले जोडदार धक्का दिएको छ ।

भारतीय माध्यममा आएका नेपालसम्बन्धी पछिल्ला सामग्री गलत, आधारहीन, असंवेदनशील र नेपालको नेतृत्वलाई आरोपित गर्ने खालको भएको भन्दै परराष्ट्र मन्त्रालयमार्फत् सरकारले भारतलाई कूटनीतिक नोट पठाएको हो।

‘त्यस्ता प्रकारका सामग्रीले गलत सूचना दिने मात्रै नभई न्यूनतम सभ्य समाजको सार्वजनिक प्रतिष्ठालाई क्षतिग्रस्त बनाएको छ’, सरकारले भारतीय सञ्चारमाध्यमको गलत प्रचारबारे पठाएको कूटनीतिक नोटमा भनिएको छ, ‘यस्ता प्रकारका प्रभावित सामग्री प्रसारणको अभियानले नेपाल र भारतबीचको भावनामा गम्भीर आघात पुर्‍याउन सक्नेछ।’

नेपाल र भारतीबीचको जनस्तरको द्विपक्षीय ऐतिहासिक, सांस्कृतिक, आर्थिक र  सामाजिक सम्बन्ध तथा अन्य महत्वपूर्ण पक्ष रहेको एवं  आपसी सम्बन्ध सार्वभौम समानता, मित्रता, विश्वास र परस्पर सम्मानका आधारमा रहेको नेपालको भनाइ छ।

आपसी सम्बन्धलाई प्रगाढ बनाउन सञ्चार क्षेत्रले सही सूचनाको प्रवाह तथा सही सोचको निर्माणमा प्रभावकारी र रचनात्मक भूमिका निर्वाह गर्न सक्ने जनाउँदै सरकारले प्रेस स्वतन्त्रताको सीमा र आचारसंहिताका बारेमा पनि स्मरण गराएको छ।

त्यस प्रकारका गलत, विभाजनयुक्त र घृणायुक्त सामग्रीले नेपाल र नेपाली जनतालाई अवहेलना गरेको जनाउँदै यसले एक्काइसौँ शताब्दीका छिमेकी मुलुकका देशलाई हित नगर्ने पनि स्पष्ट गरेको छ।

Recent Update