November 30, 2020, Monday
२०७७ मंसिर १५

नारायण रायमाझीको शब्द संगीतमा नयाँ तिज ‘मै छोरी ढल्केर नाँचेको’

546

काठमाण्डौ, हातमा हरिया चुरा, मेहेन्दी, गाउँघर, टोल छिमेकमा गाईने गित र बज्ने मादल, रेडियो टेलिभिजनहरुले बजाउने चेलीका वेदनाहरुले तिज आँगनीमा भित्रिन लागेको आभाष दिन्छन ।श्रावण लागेसँगै तिजका गितहरु दिनहुँ जसो सार्वजानिक भइरहेका छन् । त्यस्तै गितहरुको भिडमा नेपाली लोक संगीतका धरोहर नारायण रायमाझीको शब्द संगीतमा ‘मै छोरी ढल्केर नाँचेको’ भन्ने बोलको तिज गित बजारमा आएको छ ।

शान्ति भट्टले एकल स्वर दिएको गितको भिडियो निर्देशन उदिराम खड्काले गरेका छन भने भिडियोमा बिन्दु खड्का, मिरा खड्का, प्रतिमा कँडेल लगायतका दिदि बाहिनीहरु नाँचेका छन् । भिडियोको कलरिङ एडिटिङ मिराज अर्यालले गरेका छन ।

हिन्दु नारीहरुले आफ्नो श्रीमानको आयु बढोस र अविवाहितले सुयोग्य वर पाउ भनेर तीजमा भगवान शिवको आराधना गरिनुका साथै नाचगान मनोरञ्जन समेत गर्ने प्रचलन छ ।हिजो आज मोर्डन तिजको भिडमा हाम्रा आमा दिदीहरु ढल्की ढल्की नाँच्ने, लय हालेर गाउने लरी बिलरीका गितहरु बजारमा बिरलै भेटिन्छन । यसलाई एकथरी तिजमा आएको विकृति मान्छन भने अर्कोथरी तिजमा पनि आधुनिकता हुनुपर्छ । भद्दा आधुनिकताको नाममा परापुर्व काल देखि चलिआएको रितिथितिलाई तोडमोड गरी पश्चिमा संस्कृति भित्र्याएर नेपाली लोक संस्कृतिको कहाँ पुर्याउन खोजेका हुन त्यो त ति गीतका गायक सर्जकले नै जानुन !

संस्कृतिको जगेर्नाको हिसाबले हेर्ने हो भने डिस्को, बारहरुमा जस्तै ड्रमसेट ठटाउँदै गिटार हल्लाउदै बिच्च बिच्चमा, छेउ र कुनामा अझै नभएर घरको छतमा, बारीको पाटामा, यी गितले तिजको महत्व दर्साउदैनन । भड्किलो पप रक तिजको लय भित्र पर्दैन ।राम्रो भन्दा नराम्रो कुरा छिट्टो फैलिने समाजमा त्यस्तै उटपट्याङ गितहरुकै बोलवाला भएपनि तिज पर्वको रक्षा जगेर्ना गर्नु लोक संस्कृतिलाई बचाई राख्नु हामी सबैको कर्तब्य हो ।

Recent Update