December 1, 2020, Tuesday
२०७७ मंसिर १६

साउदीकाे टिकट बिक्रीमा चलखेल भएको भन्दै आधिकारिक ट्राभल्स द्वारा सचेत रहन आग्रह

1.4K

नेपालीको उद्दारमा साउदी बाट नेपाल एयरलाइन्सको चार्टर उडानको टिकटमा बिचाैलियाहरुले महंगोमा टिकट बिक्रि गर्ने प्रयास गरेको खुलेको छ ।एयरलाइन्सले टिकटको लागि ताेकेकाे आधिकारिक ट्राभल्स भन्दा अन्य रियाद र नेपालका केही ट्राभल्सले त्यस्तो गरेको खुलेको हाे ।नेपाल एयरलाइन्सले ताेकेकाे आधिकारिक ट्राभल्स जियाेल्यान्ड र गिल्ट ट्राभल्सका साउदी अरबका प्रतिनिधि सुरेशराज त्रिपाठीले केही ट्राभल्सहरुले टिकट मिलाउने बाहनामा महंगो टिकट विक्रि गर्ने प्रयास भएको बताए ।उनलेे यस्तो चलखेल बाट सतर्क रहन सबैलाई आग्रह पनि गरेका छन ।

केही ट्राभल्सले टिकटमा कालाे बजारी गर्ने कोसिस गरेको जानकारी प्राप्त भएकोले साउदी अरब बाट नेपाल जानको लागि नेपाल एयरलाइन्सले तोकेको ट्राभल्स बाट नै टिकेट लिनुहोला र एयरलाइन्सले तोकेको दर भन्दा बढी कसैले लिएमा तुरुन्त जानकारी गराउनुहोला त्रिपाठीले भने ।नेपाल एयरलाइन्स मार्फत साउदी बाट हुने उडान अन्तर्गत जद्दा बाट नेपाल भाडा ७१ हजार ५ सय,दमाम बाट ५२ हजार १ सय र रियाद बाट ५६ हजार ३ सय ताेकिएकाे छ ।

साउदीकाे रियाद बाट नेपाल फिर्ता हुनकाे लागि ५६ हजार ३ सय नेपाली रुपैया भाडा रहेको तर काठमाडौ स्थित एबि ट्राभल्सले यात्रु बाट ६० हजार पाँच सय रकम लिएको सिलिप सार्वजनिक भएको छ ।यस बिषयमा एबि ट्राभल्सका संचालक अरुण भट्ट सँग सम्पर्क गर्दा आफुले यात्रु सँगकाे सहमतिमा अतिरिक्त खर्च स्वरुप तीन हजार सात सय बढि रकम लिएको स्विकारे । टिकट पाएन भनेर यात्रु आउनु भयो , नियतबस आफुले नलिएको हुदा तत्कालै फिर्ता लिन आए उक्त रकम फिर्ता दिन आफू तयार रहेको भट्टले बताए । सरकारले बिदेशमा फसेका नेपालीको उद्दारकाे लागि गरेका चार्टर उडान टिकटमा कालाे बजारी हुने गरेको भन्दै आलोचना हुने गरेको छ ।

Recent Update