November 29, 2020, Sunday
२०७७ मंसिर १४

साउदीमै अस्ताए सबैका प्रिय राेशन श्रेष्ठ

1.3K

राेशन श्रेष्ठ

२०१६ देखि साउदी अरबमा सन्चालित नेपालीहरुको पहिलो मिडिया एनए (NA Media) का प्रबन्धक निर्देशक,स्याङ्जा गल्याङ नगरपालिका-८ का रोशन श्रेष्ठ काे निधन भएको छ । श्रेष्ठको असामाहिक निधनको खबरले साउदी अरबमा रहेका नेपालीहरु दुखि भएका छन्।कोरोना भाइरस पोजेटिभ को संका गरेपनि अस्पतालको आधिकारीक रिपोर्ट आउन बाकी रहेको नेपाली दुताबासले जनाएको छ ।अहिले उहाँको निधनकाे यहि कारण हाे भनेर भन्न सकिदैन रिपोर्ट आउन बाँकी छ दुताबासका एक अधिकारीले भने ।

न्युमोनिया र श्वासप्रश्वासमा समस्या देखिएर बिगत ३५ दिन देखि साउदी अरबको दम्माम स्थित सेन्ट्रल अस्पतालमा उपचारत श्रेष्ठको हिजो बिहान निधन भएको हो ।साउदी अरबमा सबैका लोकप्रिय सामाजिक र मृदुभाषी श्रेष्ठ नेपालमा लकडाउन हुनुभन्दा एक दिनअघि साउदी पुगेका थिए ।

एनए मिडियाका म्यानेजिङ डाइरेक्टर समेत रहेका श्रेष्ठ स्याङ्जा सहयोग समाज लगाएतका दर्जनौं संघ संस्थामा आबद्ध थिए । श्रेष्ठको निधन प्रति साउदी अरबमा रहेका नेपाली समुदाय , राजदुतावास,सामाजिक संघ संस्थाहरु लगायत सम्पूण नेपालीहरुले श्रद्धान्जली र समवेदना प्रकट गरेका छन ।नेपाली समुदाय माझ निकै लाेकप्रिय श्रेष्ठको निधनले उनका हजारौं शुभचिन्तक पिडामा छन ।

Recent Update