October 31, 2020, Saturday
२०७७ कार्तिक १६

कोरोना भाइरस सर्छ भन्दै डेरा बाट नर्स निकाल्ने वडा सचिब पक्राउ

450

कोरोना भाइरस सर्ने त्रासका कारण घरमा बस्दै आएकी नर्सलाइ घर बाट निकाल्ने दाङका एक वडा सचिवलाइ जिल्ला प्रशासन कार्यालयको निर्देशनमा जिल्ला प्रहरी कार्यालय दाङले पक्राउ गरेको छ ।


दाङका प्रमुख जिल्ला अधिकारी गोविन्द रिजाल र जिल्ला प्रहरी प्रमुख एसपी जनक भट्टराईले डेराबाट नर्स निकाल्ने घरवेटी घोराही २ का वडा सचिव समेत रहेका नारायण आचार्यलाई पक्राउ गरिएको बताए । पक्राउ परेका सचिवलाइ कानुन वमोजिम कारवाही गर्ने प्रमुख जिल्ला अधिकारी रिजालले जानकारी दिए ।


तुलसीपुर उपमहानगरपालिका वडा नम्बर १६ गणेपुर घर भइ हाल घोराहीस्थित बुद्ध इन्टरनेसनल हस्पिटलमा कार्यरत २० बर्षीया नर्स सृजना खड्कालाइ केही दिन अगाडी डेराबाट निकाले पछि उनी होटलमा बस्दै आइरहेकी थिइन ।


अस्पतालमा काम गर्दा कोरोना संक्रमण हुन्छ भन्दै अहिले देशभर डेरा गरि बस्दै आएका स्वास्थ्यकर्मीहरुलाइ घरबेटिहरुले डेरा छाडन भने खबरहरु सार्वजनिक भैरहेका छन । यदि कसैले जबर्जस्ती स्वास्थ्यकर्मीहरुलाइ डेरा छाडन लगाएको भेटिए प्रशासनले कानुन बमोजिम कार्वाही गर्ने बताइएको छ ।

Recent Update