May 18, 2021, Tuesday
२०७८ जेष्ठ ४

राजधानीमा कोरोना संक्रमितको संख्या बढ्यो, उपत्यका छिर्ने तीनवटै नाकामा हेल्थ डेस्क राखिने

150

काठमाडौं – उपत्यकामा तिव्र गतिमा कोरोना संक्रमितको संख्या बढ्न थालेपछि उपत्यका छिर्ने तीनवटा मुख्य नाकामा हेल्थ डेस्क राख्‍ने तयारी गरेको छ।  

उपत्यकामा कोरोना भाइरस संक्रमणको जोखिम बढेको र नाकाबाट आउनेहरुको स्वास्थ्य निगरानी गर्नैपर्ने भएपछि स्वास्थ्य तथा जनसंख्या मन्त्रालयले हेल्थ डेस्क राख्ने तयारी गरेको हो। मन्त्रालयका अनुसार काठमाडौंको थानकोट नागढुंगा नाका, फर्पिङ नाका र भक्तपुरको साँगा भन्ज्याङ नाकामा हेल्थ डेस्क राख्ने तयारी अघि बढाएको छ। हाल यी नाकामा कोरोना स्क्रिन मात्रै हुँदै आएको र अब हेल्‍थ डेस्क नै राख्ने तयारी भएको मन्त्रालयलका सह प्रवक्ता डा समीर अधिकारीले बताए।

नाका स्थापना गरिसकेपछि यात्रुको सामान्य स्वास्थ्य जाँच गर्ने र कोरोना शंकास्पद तथा लक्षण देखिएकाहरुलाई छुट्टै राखेर आइसोलेसनमा पठाउनेसम्मको योजना बनाइएको छ। अहिलेसम्म ती नाकामा बस्ने सुरक्षाकर्मीहरुले यात्रुहरुको पास विवरण हेरेर उपत्यका छिर्न दिने वा नदिने निर्णय लिने गरेको छ।