April 18, 2021, Sunday
२०७८ बैशाख ६

१५ बर्ष सम्म पनि बनेन पितिवाङ खाेलामा पुल ,माेटरसाइलकलाई एक हजार शुल्क

676

मुसिकोट नगरपालिका–१२ काे पितिबाङ खाेलामा पुल माटरेवल पुल नहुदा यात्रुहरुले कष्ट झेल्नुपरेको छ ।राप्ती राजमार्ग अन्तर्गत सल्यान ,मुसिकाेट सडक खण्डका अन्य ठाउँमा माेटरवेल पुल भए पनि याे खाेलामा पुल नहुदा सवारीसाधनलाई समेत समस्या हुने गर्छ ।

अहिले खाेलामा सवारीसाधन क्रस बनाउदा स्थानीयले सहयोग स्वरुप १ हजार सम्म लिने गर्छन् । खोलामा एक्लै मोटरसाइकल लैजान नसक्दा १ हजार दिएर स्थानीयवासीको सहयोगमा खोला तार्नु परेको मोटरसाइकल चालक प्रेम थापा बताउछन । खाेला बढेर ठुलो हुदा अरुकाे सहयोग चाहिन्छ ,अनि पैसा तिर्नुपर्छ उनलेे भने । थापाको जस्तै पीडा अन्य सवारी चालकहरुकाे पनि छ ।

वर्षायामको कारणले पितिबाङ खाेलाले गर्दा ५०० सयले दाङ पुगिने ठाउँमा खाेलाकाे कारण प्रन्ध सय रुपैयाँमा खर्च हुने साना सवारीसाधन चालकहरु बताउछन् । उक्त खाेलामा पुल बनाउन टेण्डर भैसकेको भएपनि काम सुरु भएको छैन । बर्षेनी याे खाेलामा यस्तै समस्या हुदा पुलको कुरा उठछ ।बर्षायाममा खोलामा पैदल हिड्ने स्थानीयलाई पनि समस्या हुने गरेको छ । सोही खोलामा मालवाहक ट्रक फस्दा यातायात सेवा सम्म ठप्प हुने गर्छ ।
खोलामा पानीको बहाव बढेसँगै यस सडकमा हिडने पैदल यात्रा समेत ठप्प हुने गर्छ । ज्यानको बाजी लगाएर खोला तार्दा धेरै पटक घाइते हुनुपरेको स्थानीय बासीको बनाइ छ ।प्रत्येक बर्ष मान्छे र सवारीसाधन खाेलाले बगाउने गर्छ । सडक सञ्चालन भएको १५ बर्ष सम्म पनि याे खाेलामा पुल निर्माण नहुदा यात्रुले सास्ती झेल्नु परेको हाे ।ठुलो पानी परेको बेला कहिलेकाही यातायात समेत अबरुद्ध हुने गरेको छ ।