October 25, 2020, Sunday
२०७७ कार्तिक ९

रूसी सरकारका आलोचक नाभाल्नीलाई विषाक्त पदार्थ खुवाएको खुलासा

111

काठमाडौँ – रूसी सरकारका कट्टर आलोचक एलेक्सी नाभाल्नीलाई विषाक्त पदार्थ खुवाएको खुलासा भएको छ ।

जर्मनीको बर्लिनस्थित च्यारिते अस्पतालले उनलाई विषाक्त पदार्थ खुवाइएको पुष्टि गरेको बीबीसीले जनाएको छ ।

रूसमा भने उनको उपचारमा संलग्न डाक्टरहरुले विषाक्त पदार्थ नदेखिएको बताएका थिए। रूसको आन्तरिक उडानमा रहेका बेला नाभाल्नी गएको बिहीबार बिरामी परेका थिए।

उनी बिरामी परेपछि विमानले ओम्स्कमा आपतकालीन अवतरण गरेरे अस्पताल भर्ना गरिएको थियो । उनको अवस्था गम्भीर बनेपछि कोमामा राखेर उपचार गरिएको थियो । तर, स्वास्थ्यमा सुधार नभएको तथा जोखिम बढेको भन्दै उनलाई जर्मनी लगिएको थियो।

नाभाल्नीका समर्थकहरुले उनले विमानस्थलको क्याफेमा खाएको चियामा विषाक्त पदार्थ मिलाइएको र सत्ताले आफ्नो अपराध ढाकछोप गर्न चाहेको आरोप लगाउँदै आएका छन्।

Recent Update