August 3, 2021, Tuesday
२०७८ श्रावण १९

सल्यानमा पहिलोपटक समुदाय स्तरमा देखियाे काेराेना

189

सल्यान – सल्यानमा पहिलो पटक समुदाय स्तरमा कोरोना भाइरस सङ्क्रमण देखिएको छ । जिल्लाको छत्रेश्वरी गाउँपालिका वडा न ५ मा पहिलो पटक ट्राभल हिस्ट्रि नभएका एक जना व्यक्तिमा कोरोना पुष्टि भएको हो ।


समुदायमा कोरोना संक्रमण देखिएपछि छत्रेश्वरी गाउँपालिकाले वडा न ५ सिल गरेको छ ।
शनिबार बिहान ५ बजेदेखि भदौ २७ गते राती १२ बजेसम्मको लागि वडा सिल गरिएको जनाइएकाे छ । संक्रमित व्यक्तिको सम्पर्कका आएका व्यक्तिहरुको खोज तलास गर्न वडा सिल गरिएको गाउँपालिका अध्यक्ष सन्तोष के सीले जानकारी दिए ।


वडा न ५ अन्तर्गत पर्ने सम्पूर्ण क्षेत्रहरुमा अत्यावश्यक सेवा बाहेकका सम्पूर्ण सवारी साधन, पसल व्यवासाय सञ्चालन तथा हिडडुलमा समेत पूर्ण निषेध गरिएको गाउँपालिकाद्धारा जारी विज्ञप्तीमा उल्लेख गरिएको छ ।


सल्यानमा हालसम्म कोरोना संक्रमितको संख्या ३ सय पुगेको छ । संक्रमित मध्ये २ सय ५७ जना निको भएर घर फर्कि सकेका छन् ।